Eins og augljóst hefur verið frá því að Ólafi Ragnari snerist hugur og hann ákvað að bjóða sig fram að nýju bar hann sigur úr býtum í forsetakosningunum.
Ég hef ekki fylgst náið með baráttunni. Hætti að horfa umræðuþáttinn í sjónvarpinu í gær, leiðinlega var haldið á stjórn hans. Of mikil áhersla á neikvæða þætti. Þetta yfirbragð stuðlaði að lélegri kjörsókn.
Herdís Þorgeirsdóttir sagði réttilega í sjónvarpsþætti í kvöld að tilfinningin hefði orðið sú að stjórnarandstæðingar legðust á sveif með Ólafi Ragnari en stjórnarsinnar Þóru. Við það tók að fjara undan Þóru auk þess sem Ólafur Ragnar sló hana út af laginu strax og hann hóf kosningabaráttu sína.
Við þurfum ungt fólk til að hjálpa íslensku samfélagi – og forsetinn á að virkja þetta unga fólk. Hann á að ganga undan með góðu fordæmi. Hið nýja hugvit er hugvit heiðarleika, hófsemi, dyggða og velvilja.
Það er staðreynd að náttúra landsins er einn helsti þáttur í sjálfsmynd okkar.
Íslensk náttúra er mögnuð og hefur djúpstæð áhrif á okkur sem búum þetta
land. Hálendið er mér sérlega hugleikið í þessu tilliti vegna þess að þar er kyrrð
og friður og um leið ægifegurð sem er í senn heillandi og á köflum ógnandi. Við
eigum ekki þetta land, heldur höfum við það að láni frá komandi kynslóðum.
Víðerni og óbyggð svæði eru að verða æ sjaldgæfari og ég tel að gildi þeirra og
verðmæti munu fara vaxandi með hverju árinu.
